HOMILY TRANSCRIPT | Manila Archbishop Jose F. Cardinal Advincula, RCAMES Sportsfest, San Felipe Neri Catholic School, April 3, 2024

My dear brother priests; beloved administrators, faculty and staff; my dear students; dearly beloved in Christ:

Today, on this beautiful Easter morning, we celebrate the resurrection of our Lord Jesus Christ. Ito ay araw na puno ng kagalakan, puno ng pag asa. Isang araw na nagpapaalala na kahit sa gitna ng kadiliman, mananaig parin ang liwanag.

Ngunit ano nga ba ang kaugnayan nito sa kapanapanabik na pagdiriwang natin ng Sportsfest na lalahukan ng ibat-ibang pamparokyang paaralan ng ating Archdiocese?

Sa ebanghelyong sinulat ni San Lukas, narinig natin ang kuwento ng dalawang alagad na tinatahak ang daan patungong Emmaus. Matatandaan ninyong ang kanilang puso ay tigib ng lungkot at pagdadalamhati pagkatapos ng araw ng pagkapako at pagkamatay ni Hesus. Hindi nila maunawaan kung bakit ang Mesiyas na inasahan nilang magpapalaya sa kanila ay tila hindi nagtagumpay.

Pero hindi ba kung atin ring titingnan ang buhay natin bilang mga estudyante wala namang makapagsasabi na madali lang ang lahat. Studies can be tough. Tests can be stressful. There might be times when you feel defeated, like you can’t keep going. Ngunit katulad ng kuwento ng dalawang alagad, nakikilakbay si Hesus na kapiling natin, kahit minsan parang hindi rin natin siya agad nakikilala.

Ang mga susunod na kaganapan sa ating Sportfest ay hindi lamang tagisan ng kakayahan sa larangan ng lakas ng katawan at talas ng isip. This sportsfest, my friends, is a chance to experience Christ journeying through the roads of Emmaus in our life.

  1. Ang ating katawan at mga kakayahan ay regalo ng Diyos. Pinapaalala ni San Pablo sa sulat niya sa mga taga Corinto na ang ating katawan ay templo ng Banal na Espiritu Santo. Ang sportsfest na ating ginaganap ay pagdiriwang at pagpupugay sa biyaya ng ating katawan.  A sportsfest is a celebration of those bodies – their strength, their agility, their ability to work together.  Remember the story from Acts we just heard? Peter and John, filled with the Holy Spirit, helped a crippled man walk. Their bodies became instruments of God’s grace.  Sa ibat- ibang laro alalahanin ninyo hindi kayo nagtatagisan o nagpapalakasan bagkus nagdiriwang ng biyaya mula sa Diyos. Run with joy, jump with enthusiasm, and show the world the amazing things your body can do.
  2. Ang ating pagtutulungan ay salamin ng buhay ng Simbahan. Naalala niyo yung panahon na nagsisimula pa lamang ang simbahan na inilalarawan sa mga Gawa ng mga Apostol, kung paano nila binuo ang mga komunidad sa pamamagitan ng pagmamahal at pag akay sa isat-isa. Ganoon din ang diwa ng ating Sportsfest. You will be cheering for your teammates, strategizing together, celebrating victories as one. You will experience the joy of relying on others and the satisfaction of achieving something together.
  3. Sa pagkakaisa makakatagpo natin si Hesus. Katulad ng mga alagad na naglalakbay patungong Emmaus, hindi rin nila nakilala si Hesus noong una. Gayunpaman, taimtim at tapat paring sinamahan ni ang dalawa at matiyagang pinaliwanag ang kasulatan sa kanila. The games in this Sportsfest will likely have moments of frustration, moments where winning might seem like everything. Remember that Christ lived life to the full and celebrated life will gratitude and enthusiasm. He played fair, He treated others with respect, and He never lost sight of the bigger picture. Ipagdiwang natin ang ating magiging mga tagumpay at kahit ang panahong kulanganin tayo na masungkit ang tagumpay. Makatagpo nawa natin si Hesus sa pagkakaisa, pakikipagkapwa at pagdiriwang ng buhay sa Sportsfest na ito.

The Easter story reminds us that even in the face of immense difficulty, there is always hope for renewal, for resurrection.  Let this sportsfest renew your spirits, be a celebration of your gifts, and be a testament to the Christian values of teamwork and sportsmanship.

Humayo kayo at magalak, pero higit sa lahat alalahanin ninyo na narito kayo hindi lang sa ngalan ng mga eskuwelahang kinakatawan ninyo bagkus sa pagdiriwang ng pagmamahal ni Hesus na muling nabuhay.

Happy Easter sa inyong lahat. (Photo by Maricar Santos/RCAM-AOC | Photogallery)

 

Leave a Comment

Your email address will not be published. Required fields are marked *