Tuesday, 30 June 2020 08:44

Homily delivered by Most Rev. Broderick Pabillo during the online Sunday Mass on June 21, 2020, at 10 a.m.


Our time now is characterized by fear. Takot sa coronavirus at dahil sa takot sa coronavirus, takot na rin tayo sa isa’t isa na baka may virus sila.

Takot para sa ating hanap buhay. Matatanggal ba ako sa trabaho? May pagkakakitaan pa ba? 

Takot sa kinabukasan. Makakatapos ba ako sa pag-aaral? Makakatapos ba ang aking anak?

Takot sa ating financial situation. Makakabayad ba ako sa aking utang? Mababayaran ko ba ang upa sa bahay?


Itong mga takot na ito ay dinagdagan pa ng mga nangyayari sa ating bayan. Takot para sa ating kalayaan. Ano ba ang maiiwan sa ating kalayaan na nandyan na naka-umang ang Terror Bill. Kahit na sino ay maaaring mapaghinalaan na subersibo or terorista. Nakakatakot ang nangyari sa ABS CBN at kay Maria Ressa ng Rappler. Nakakatakot na ngayon ay magsalita. Anu anong kaso na lang ang ginagawa upang pabagsakin ang mga pinaghihinalaan na kumokontra.

Malaki ang panganib na ang Terror Bill ay gamitin sa mga pagsasalita. Nakakatakot din ang Tsina. Hindi ito gumagalang sa mga international na kasunduan tulad ng paglalabag nila ng kasunduan para sa Hongkong. At ng Law of the Sea sa kanilang pagsasamsam sa ating teritoryo.

Nakakatakot din ang nangyayari sa kalikasan. Patuloy ang pagkasira nito. Hindi naman tumigil ang global warming dahil sa coronavirus. Kung hindi magbago ang ating lifestyle at ang mga business na walang pagsang-alang alang sa kalikasan tulad ng paggamit ng coal o ng iba pang fossil fuel. Tulad ng pagmimina na hanggang ngayon ay pinahihintulutan. Higit pa ang pinsala sa daigdig ang mangyayari kesa dala ng coronavirus.

Yan po ang buhay natin. Nababalot sa lagim ng pagkatakot. Kaya ang Salita ng Diyos sa atin ngayon ay talagang mabuting balita. In only seven verses the gospel reading repeats three times the phrases from the Lord’s mouth, “Do not be afraid.”

Jesus does not hide the problems that His disciples will be subjected. The persecutions even from one’s own families and friends, the life that will be thrown against His disciples and even death. Hindi tinatago ni Hesus ang problema na haharapin natin pero sinasabi niya, “Huwag kayong matakot.”

What are the reasons why we should not be afraid?

One reason is that the truth will come out. Walang sikreto na hindi ibubunyag. Yung mga sinungaling, yung mga paninira, yung mga pagtatakipan, ang lahat ng iyan ay mabubunyag tulad ng nangyayari ngayon. Sisimula nang mabubunyag ang mga korapsiyon sa DOH, sa DBM na ngayong nasa coronavirus tayo, may krisis ngunit patuloy pa rin ang pagsasamantala sa taong bayan, lumalabas na ngayon yan. There is a lot of fear in our times because we do not know the truth, what the real score is.

Unfortunately, even government data and government pronouncements cannot be trusted. Pati na nga ang sinasabi ng Science ay hindi maaasahan. Hindi natin alam kung Science nga ba talaga ang nagsabi nun. O ito ay manipulated na ng mga interested news. But the assurance is given to us. Mabubunyag na ang katotohanan. Truth will...

The Buddha said, there are three things that cannot be hidden: the sun, the moon and the truth. So do not be afraid, the truth will come out.

Pangalawa, huwag tayong matakot sa tao at sa pangyayari sa mundong ito. Hindi nila magagalaw ang iyong tunay na pagkatao, ang iyong kaluluwa. Jesus said, “Do not be afraid of those who will kill the body but cannot kill the soul. Rather, be afraid of the one who can destroy both body and soul and cast them to hell.”

Ang mga martir noon at ngayon at maraming mga martir ngayon at may tapang na humarap sa mga kaaway kasi may takot sila sa Diyos. Kaya mayroon tayong Lorenzo Ruiz na nagsalita, “Na kahit may isang libong buhay man ako ibibigay ko ang lahat para kay Hesus.” Kaya may mga martir na umaawit at nagdarasal habang palapit sa kanila ang mga leon.

Hindi lang ito ang buhay. May kabilang buhay na nag-aantay sa atin. St. Paul wrote, “The sufferings of this present age are nothing compared to the glory that will be ours.” Ang takot sa Diyos ang nagpapalaya sa atin sa mga takot sa mundong ito. Dahil takot tayo sa Diyos, hindi tayo takot sa anumang magagawa ng sino mang tao o ano mang kapangyarihan.

Thirdly, Jesus said, “Do not be afraid. You are worth more than...”  Bilang ng Diyos ang bawat hibla ng ating buhok. Alam ng Diyos ang lahat ng nangyayari sa atin at hindi lang niya alam, nababahala siya. Kung nababahala siya sa bawat maliit na Maya, hindi ba siya mababahala sa bawat isa sa atin? God care. If God is with us, if He has given us His only son, who can be against us? Ang laki na po ng pinuhunan ng Diyos sa bawat isa sa atin. Walang iba kundi ang kanyang anak. ang laki na ng itinaya ni Hesus para sa atin. Ang kanyang buhay. Pababayaan pa ba niya tayo? Bakit tayo natatakot? Nasa kamay tayo ng Diyos.

Sa ating Unang Pagbasa, narinig natin ang mga banta ng mga kaaway ni propeta Jeremias. Nagmamanman sila na magkamali lang si Heremias at siya’y pababagsakin nila. Madulas lang sila, madulas lang siya at lagot siya. Alam ito ng propeta pero malakas ang kanyang loob. Ika niya,”My persecutors will stumble. They will not triumph. In their failure, they will be put to shame.”

Saan nanggaling ang kanyang confidence? “The Lord is with me,” he said. “To Him, I have been casted my cause.” Yan ang paniniwala ni propeta Jeremias kaya matatag ang kanyang loob. Kaya mga kapatid, kailangan ng malaking tiwala upang hindi tayo matangay sa anumang takot.

Sinabi ni propeta Isaias kay Haring Ahaz, “Unless your faith is firm, you will not be hurt.” At the time Jerusalem was about to be attacked by two kingdoms. The kingdom of Syria and the Kingdom of Israel. But the prophet Isiah assured the king that nothing will happen to Jerusalem. But he has to believe that the Lord will help. Unless your faith is firm, you will not be hurt. Ang tiwala sa Diyos ang nagpapalakas sa atin.

Maraming mga dayuhan ang nagtataka sa tinatawag nating Filipino resilience. Nagtaka sila sa ating katatagan nung dinaanan tayo ng pagsabog ng Pinatubo noong 1991. Noong dumaan ang bagyong Sendong at Pablo noong 2011, 2012. Noong lumindol sa Bohol noong 2013. Ang pagdating ng Yolanda after one month, 2013. At marami pang kalamidad na dumadating sa atin. Natutumba tayo ngunit tumatayo ulit. Nadadapa pero hindi nabubuwal. We are a resilient people.

Maraming nag-aaral kung saan ito nanggagaling. Ngunit nakakasigurado tayo na isa sa pinanggalingan nito ay an gating malakas na tiwala sa Diyos. Kumakapit tayo sa kanya. Hindi tayo bumibitaw kaya nahaharap natin ang anumang takot, pangamba at kasamaan.

Narinig natin sa sulat ni San Pablo sa ating Ikalawang pagbasa na galing sa isang tao dumating ang kasalanan at dahil sa kasalanan, ang kamatayan. Ngunit kahit marami nang kasalanan dahil sa isang tao, dumating ang pagpapatawad at ang buhay.

So, where sin increased grace increased all the more.  Hindi natalo ng kasamaan ang kagandahang loob ng Diyos. Nagwawagi pa rin ang grasya ng Diyos. Ang kanyang pag-ibig, kahit gaano na karami at kakapal ng kasamaan. Dito nanggagaling ang ating pag-asa at buhay. And that was our celebration last Friday, the Solemnity of the Sacred Heart that even if that heart of Jesus was wounded, yet it continues to burn. It is steadfast love. And that is our assurance that God’s love is steadfast.

Kaya mga kapatid, sa gitna ng mga takot natin, mas kailangan natin ang Diyos. Kaya sinasabi natin na religious activities are essential services. Mas kailangan nga natin ng Diyos dahil sa mga krisis na dinadaanan natin. Ang nakakalungkot, one sided ang paningin ng ating mga tao sa gobyerno. They are very...

Kapag sinasabi nila na essential service ang tinutukoy nila ay essential economic service kaya kailangan bukas ang bangko, bukas ang business. Kailangan buksan ang manufacturing para ito’y mga essential service.

But man does not live by bread alone but every word that comes from the mouth of God. Hindi lang naman ekonomiya ang kailangan ng tao. Hindi lang naman laman ng tyan ang nagbibigay ng lakas sa tao. Maraming mga tao na busog ngunit mahina ang loob, walang direksiyon sa buhay, walang sigla sa kanilang buhay. Itong lakas ng loob, itong sigla at direksiyon sa buhay ay hindi naibibigay ng ekonomiya. Malalim ang pinaghuhugutan nito. Ito ay galing sa ating kundisyon sa Diyos.

Noong 2012, ako’y napunta sa Diocese sa Mati doon sa Mindanao upang magbigay ng tulong sa mga sinalanta ng bagyong Pablo. Sa isang barangay, ang kwento ng mga tao, may mga nagbigay sa kanilang ng mga materials para sa kanilang pagtatayo ng bahay, natumba ang mga bahay nila. Nagkaisa ang mga tao nag-contribute ng tig-iisang yero sa bawat pamilya upang itayo nila agad ang kanilang kapilya.

Kapag nakita nilang kapilya nila’y nakatayo, lumalakas ang loob nila. Doon sila nagdadasal linggu linggo. Inuna nila ang kanilang kapilya kaysa kanilang mga bahay.

There are values that are beyond material possessions and material needs. These also should be promoted so that we can overcome our fears. Jesus brings to us His clear message, “Do not be afraid that truth will be fully... Do not be afraid. Trust in God who knows you and cares for you. Do not be afraid God is with you and is …you. Do not be afraid the saving grace of God is more powerful than sin and death. Do not be afraid of all these things. Only fear the Lord.”

Ang takot sa Diyos, ang pagsang-alang alang sa Diyos ang magpapalayas sa atin sa lahat ng mga takot. (Archdiocese of Manila – Office of Communications/RCAM-AOC)

ENGAGE WITH US

Please, enter your name
Please, enter your phone number
Please, enter your e-mail address Mail address is not not valid
Please, enter your message
Copyright © 2020 Roman Catholic Archdiocese of Manila. All Rights Reserved.
Privacy Statement | Terms of Use | Disclaimer