Tuesday, 22 October 2019 08:23

Homily of Cardinal Tagle for Pista ng Misyon


Mga minamahal na kapatid, magpasalamat tayo sa Panginoon  na nagtipon sa atin sa hapong ito.

Nagpapasalamat po tayo kay Pope Francis na tumawag na magkaroon ng Extraordinary Month of Mission at ito po ang ating ipinagdiriwang sa araw na ito, kapistahan ni San Lukas.

Nagpapasalamat po tayo sa ating minamahal na Apostolic Nuncio, Archbishop Gabriele Caccia, sa kanyang presensiya sagisag ng pakikiisa ng Santo Padre sa atin.

Cardinal Tagle delivers his homily during Mass for the Pista ng Misyon held at the Cuneta Astrodome in Pasay, on October 18.
Photo by Maricar Santos/RCAM-AOC
View Photo Gallery
Missio Canonica and Holy Mass
Usapang Misyon, Kunsimisyon at Komisyon
Paying it Forward sa mga Kabataan (Beloved, Gifted, Empowered)

Salamat din kay Archbishop Romulo Valles, Archbishop of Davao and President of the CBCP at ang ating mga kapatid na mga obispo, mga pari na nakikiisa bagamat nasa Pasay, ito po ay isang event na na pinamunuan din ng National Pontifical Mission Society office, kaya hindi lang po ito local ito po ay national at international. 

Pwede malaman who among you come from countries of Asia other than the Philippines? Raise your hands, yung galing sa ibang Asian countries. We have priests from China, could you please rise. Di ko alam paano sabihin sa Chinese. They are here for their ongoing formation. Xie Xie! Ibig sabihin ng Xie Xie ay “Thank you” pero ang intindi nila upo na umupo naman. Iba talaga ang Chinese ko.

May we know who among you are from a European country? Ayan! there! Yan!

Or from Africa? There, Monsignor, there, welcome! 

From North America? South America, Central and South America, ayan, father, monsignor.

Oceania? Like Australia, New Zealand, and Samoa, Fiji?

From the Philippines? (Loud clap)

So, salamat sa Diyos, salamat! 

Ang tema po natin, Baptized and Sent. Bawat binyagan ay hindi lamang nagiging kasama ni Kristo sa bagong buhay kundi bawat binyagan ay isinisugo sa misyon. 

Mission should not be associated only with the ordained. It should not be associated only with those in consecrated life. It is associated, it is linked to baptism. Tatanungin ko, ilan sa inyo ang inordinahan, diakono, pari, obispo, pakitaas po ang kamay. Who among you are ordained? Ayan, kaunti lang kami.

How many of us here are in consecrated life, nagawa ng mga vows in consecrated life and communities? Hindi rin lahat.

Ilan sa inyo ang may asawa, married? Hindi rin lahat. Ay! bat ba ako nakataas? (crowd laughs) Hindi lahat. 

Ilan sa inyo ang students?  O yan, marami pero hindi lahat. Pero kapag tinanong sino sa atin ang bininyagan? Baptized. Lahat tayo o kaya kapag baptized, sino sa atin ang sinusugo sa misyon dahil bininyagan? Lahat tayo, lahat.

Ang ganda, every baptized person living the life of Christ by sharing in his death and resurrection is also sent on mission. At maganda yung narinig natin sa maraming panayam. Wala pwedeng magsabi, hindi ko naman alam saan ako sinusugo? Napakaraming sitwasyon ang buhay. Sitwasyon sa mundo na isinusugo tayo ng Panginoon, sabi nga sa Ebanghelyo, “upang ipahayag na ang Diyos ang naghahari.”

Hayaan nyo po na magbigay lang ako ng ilang puntos na ibinahagi rin ni Pope Francis sa Extraordinary Month of Mission.

Una, para maging misyonero ni Hesus, kailangan kilala si Hesus. Kailangan may karanasan kay Hesus.

A personal encounter with Jesus. This is a requirement for growth in Baptism and in mission.  Do I know Jesus? Have I encountered him and what am I doing in order to deepen my knowledge of Jesus. Ano ang aking mga pagpupunyagi para makilala si Hesus? 

Salamat sa isang katulad ni San Lukas na nagbabahagi sa atin sa Ebanghelyo niya tungkol kay Hesus lalo na ang papel ng mga dukha sa misyon at Ebanghelyo ni Hesus. Salamat sa isang San Lukas tayo ay naaakay para makilala lalo si Hesus. 

Salamat sa isang San Pablo na naging kasama ni San Lukas at tumulong din para lumalim ang pagkilala ni San Lukas kay Hesus. 

So, no mission, no proclamation of the Gospel without an encounter with Jesus who is the Gospel. Kaya po bagamat ang misyon lagi nating naiuugnay sa ano ba ang pwede kong gawin na tama naman pero ang ugat niyan ay ang aking pakikipag-isa , pagkilala kay Hesus. 

Naalala niyo ang sinabi ni Cherry Pie at sinabi ni Marian at ni Dingdong, sabi nila, hindi nila napasok itong kanilang mga misyon kung hindi nila naranasan ang Panginoon sa kasal, sa pagpapatawad kaya spirituality. Sa mga bata, may oras kayong magtext, sana naman mas maraming oras sa pagbabasa ng Bibliya, ng katesisimo, para makilala si Hesus.

Baka yung iba sa inyo may nakita diyang ang cute, ang cute. Mabangga nga, “Uy excuse me. Sorry ha, sorry, taga saan ka?” (crowd laughs) “Pwede ka bang maka-konekta?” “Hindi eh, hingi pa ko ng permission sa tatay ko.” Pero sa puso niya, Yi! Yi! Yi! Napansin ako! (crowd laughs)

E, ano yan, cute nga yan, lolokahin ka lang niyan. (crowd laughs) E, sana kinikilig din tayo kay Hesus. Ang puso natin matunaw kay Hesus. Kilalalanin siya, which leads to the second point.

Mission is fundamentally witnessing. Martyrdom. Ang misyon ay pagsaksi kay Hesus. Pagsaksi sa salita, sa gawa, sa pagkatao, sa ating ugnayan. Sabi nga ng bagong santo, si St. Cardinal John Henry Newman, sabi niya, “Let me preach you without preaching not by my words but by the catching force, the sympathetic influence of what I do. The evident fullness of the love my heart bears for you.”  

Hayaan mong ipahayag kita ng hindi nangagaral kundi sa pamamagitan ng init ng pag-ibig na nararamdaman nila kung ano man ang aking ginagawa.

So, mission in word, in deed, in my relationship, even in my silence is witnessing to Christ and to witness to Christ means bearing the cross, bearing the cross especially the cross of helplessness. When you love, you are helpless.  

Ang umiibig ang daming gustong gawin. Protektahan ang minamahal, baguhin ang minamahal, baguhin ang sitwasyon pero alam niya minsan kapus na kapos siya at yun ang krus ng nagmamahal. Pero yung krus na yun at pagdurusa kasama rin sa pagsaksi kay Hesus.

So, yung una, encounter with Christ. Ikalawa, witnessing. Yun ang kahulugan ng salitang martir. Ang martir, saksi hanggang kamatayan.

Ang ikatlo, mission of charity. Habang tayo po ay nandito sana nasa isip at puso natin ang mga kapatid natin na naapektuhan ng lindol sa Mindanao itong mga nakaraang araw. 

Sana kasama sa ating alalahanin  ang mga tumatakas ngayon sa Northern Syria dahil doon sa mga bombahan na hindi alam kung saan pupunta.

Sana nasa isip at puso natin yung mga magulang  na naghahanap kung nasaan ang kanilang mga anak subalit ayaw pumunta sa morge dahil baka nandoon ang anak ko.

Sana kasama natin sa ating puso’t kalooban ang mga tao, kaibigan, kapatid natin sa Kenya na mahigit nang isang taong wala walang ulan sa kanilang lugar. Tubig pang-inom, tubig panglinis, tubig para sa mga sinasaka, wala.

Charity. At kung makikita natin ang misyon ni Hesus it was a mission of charity. Sabi nga nina Marian, Dingdong, at ni Cherry Pie, magsasawa ka kapag ang iniisip mo lang sarili mo. Ang pag-ibig ay patungo sa iba. Hindi dahil naiinis ka sa sarili mo kundi ang pag-ibig sa sarili ay nagiging ganap sa pag-ibig sa kapwa at pagdamay pati sa kalikasan.

Ang kalikasan ay nalalapastangan at pag ang kalikasan ay namatay, ang tao nanganganib din ang buhay. So, our mission is total. O, nakikita ko may mga bottled water. Ngayon marami tayo, pag-alis kaya natin sana hindi na kailangan ng janitor para maglinis dito kasi lahat tayo may pagmamahal sa kapaligiran. Kung natutukso ka na yung balot ng candy na kinain mo ay itapon diyan, maghunus dili ka. Extraordinary Month of Mission pa naman tapos dudumihan mo ang ano, bago mo itapon, itabi mo muna sa iyong bibig. Ilagay mo sa bulsa mo kasi yung pagtatapon na ganyan, kayabangan yan. Nasa isip mo, hindi bale na ako mag-iwan ng dumi meron naman niyang pupulot mamaya. Hindi yan pagdamay sa kapwa. Part of our mission of charity is caring for creation and caring for human beings. 

At pang huli po, mission together. Sama-sama hindi kanya kanya. 

Si San Pablo ang sabi niya si San Lukas ang kanyang nakasama hanggang sa huli hindi siya iniwanan. Sa Ebanghelyo, isinugo ng Panginoon sila, pitungput dalawa, dala-dalawa hindi solo-solo. Dala-dalawa. Hindi ka magdadala ng kung anu ano. Hindi ka magdadala ng lukbutan. Hindi ka magdadala ng sandalyas. Hindi ka magdadala ng kung anu-ano pero kasama mo naman ang kapwa misyonero. 

E, yung iba, bitbit lahat. Bitbit merienda, parang gugutumin. Bitbit merienda, bitbit tubig, bitbit pati tabo pero ayaw na may kasama sa misyon. Kaya siguro sinasabi ni Hesus, huwag nyong bitbitin lahat yan. You have what you need the Gospel and you have a companion. Ang misyon na ito ay hindi pangsarili kundi sama-sama. At pati ang mga bata, pari ang mga dukha sa society, sa lipunan ay may bahagi sa misyon. Di ba yan din po ang espiritwalidad ng tinatawag nating Pondo ng Pinoy. Kahit na ikaw ay hindi mayaman sa maliit na beinte singko sentimos, sa iyong maliliit na pagkilos, ikaw ay nagmimisyon ng pag-ibig sa kapwa. Hindi kanya-kanya. 

Minsan nasa isip natin mawala lang itong isang ito, gaganda ang misyon ko. Sabi nila mawala lang tong asawa ko gaganda ang buhay ko. (crowd laughs) Mawala lang itong bata sa aking sinapupunan, yayaman ako, giginhawa ang buhay ko. Mawala lang itong mga nanggugulo dyan, gaganda ang lipunan. Ang ating isip kanya-kanya, alisin! Alisin! Alisin! Pero sinisugo tayo ng Panginoon, sama-sama, dala-dalawa. Siya ang bitbit mo hindi kung anu ano.

So, mission is in community. Mission is ecclesial, the church. 

O, tama na kasi parang nauubos na ho yung boses ko at nauubos na rin kayo parang mga kandila na nauupos na. Yung iba nakaganun na nga, e. Yung laway na tumutulo pwede ko ipadala sa Kenya (Crowd laughs) para magkaroon sila ng pandilig sa kanilang mga taniman doon. Sabagay kasama rin sa misyon yung matulog. Basta pagkatulog tayo, ang misyon. Ok ba yun?

So, yung apat lang ho, personal encounter with Christ. Pakiulit nga (crowd repeats what Cardinal says).

Second, witnessing to Christ (crowd repeats what Cardinal says).

Third, Mission of Charity (crowd repeats what Cardinal says).

Fourth, anong sabi natin? Wala pa kong sinasabi (crowd laughs). Mission together. Ano ho ikaapat? (crowd answers)

Marami pa po sa narinig, napanood itong araw na ito, pakidala po sa pagninilay pag-uwi and let us encourage every baptized person. You are sent.  You are sent by Christ and by the church.

Tayo po ay tumahimik sandal at tanggapin muli ang panawagan sa atin sa pamamagitan ng panalangin ni San Lukas, ang simbahan nawa sa Pilipinas at sa buong mundo ay maging simabahan ng mga binyagan na handing isugo para sumaksi kay Hesus. (RCAM - Archdiocesan Office of Communications)

ENGAGE WITH US

Please, enter your name
Please, enter your phone number
Please, enter your e-mail address Mail address is not not valid
Please, enter your message
Copyright © 2017 Roman Catholic Archdiocese of Manila. All Rights Reserved.
Privacy Statement | Terms of Use | Disclaimer